Ann and Andy

 

 

報讀左做米山娃娃之後,因一星期只得一堂兩小時,令我手痕到不得了,所以搵埋鄉村娃娃報名,一於雙管齊下

Ann and Andy 完成的功課

         .

鄉村娃娃的身體,乜野尼架!
                          

加上手腳後有d外星人feel
                           

當外星人相遇!
                            

但整理好之後,成個唔同哂.
                            

唔知你地有冇發覺 Andy個鼻時時走位,原因係未有時間學整鼻,咁唯有自己試下,所以係無釘實架!
         

繼完成兩個娃娃課程後,我覺得做米山娃娃技巧要求高些,外形限制多些,因太有個人風格,不易改變.

鄉村娃娃入手容易,但我不喜歡那種只能一絲不苟將娃娃原裝複制的造法,其實鄉村娃娃是有很大既變化度,有更大的自由創作空間,我會繼續再做兩種娃娃,看看到時那一個會成績好些.



 

學編織...鉤帽

我對圖中的帽子....


非常喜愛但當然是圖片欣賞
現在叫我戴上頭就有點難
因今非昔比還是低調些好

所以
再次一支鉤針加上短針
重施故技...打橫行60針後
就得到這件物體~~帽子

起60針後我打橫鉤到約5吋後
就每5針跳過一針

鉤到只得1針就用針將兩邊縫緊

結果就完成這個款啦
都似係頁頂雜誌中既帽樣



我不怕冷風吹面,但耳朵就受不了
簡直痛到入腦>_<"
幸好鉤左頂帽....唉!舒服哂.

Sew What...夏日麼麼裙

太熱了..........

 

令人恨不得不用著衫,可以少D就著少D,打開衣櫃都覺得無件夠清涼,咁........自己做!

 

上次以斤抨買回既布,揀出這塊........

因只是件簡單既sundress,無須畫紙樣,教大家懶人速式制作,用A4紙一張剪一個夾位型放係已對摺既布中間近布邊.

因布邊不齊,只能盡量放高,跟紙型大約剪出,無需太在意,因個款係非常彈性.

先將夾位用還口約1/4紙口車好,或用衣車既捲邊靴完成.

跟手車合後幅之後,就到領口,裙腳,一樣係還口既車法.

用布碎車條幼帶,反好,穿入前後領口

睇下! 咁就做好啦,係咪易過煎豬扒呢?

前面,側面都睇清楚啦,有無感覺到好清涼口呢?

如果覺得太隨便,唔著得出街! 咁你就錯啦!

加條腰帶, (我條唔靚 ),咁就睇得下掛.

要配長衭或者窄身裙,應該一樣大方得體既

將絛裙拉高,然後扭個結,就有尼個校果啦,覺得易就做條著下.........夏日之麼麼裙!

狗狗衫制作 (舊文)

 

 

 

做了一套狗狗衫,現由不同毛豆示範.


 

現由毛豆新秀duckduck出場......


.

 

各位好!我係duckduck...........

duckduck現身穿的衫衫是同款不同料

 

相片中duckduck係岩岩剪左毛,現在大個仔兼長毛,好得意架!

第四隻創作布娃娃

迷你.......

10cm高小娃娃DoDo都完成啦,身體實在太細小本想做芭蕾舞造型,但有點懶所以做了這件半睡衣半舞衣款式

     

見她細細個,為她配上金色頭髮,今次不做剪眼因為很難剪到理想,現做睡眼,是繡上去的,亦無用繡花線,手上只得車縫線,不過我覺得效果都幾好.
                     

用一塊銀光緞子做一件打摺抹胸裙,有著衭架,加一條花邊繞過肩膊在前胸加幾粒珠增加一點華麗感,腳仔編上絲帶扮舞鞋
                       

似一個在跳舞中的小女孩,將她靠近米山娃娃立即將米山娃娃變得好巨型
                        

將幾個女娃娃靠近一齋影相
                        

      

 

 

第三隻創作布娃娃

上一篇.........

 

發表左男娃娃Boy,今次就到Cc啦女仔當然係首選長髮啦

           

因無鈕扣做眼所以Cc的眼仔都係用布剪既
                 

正如我所講女仔係多d花樣揀,我用左成擔心機,整佢條裙但效果都唔突出,哂料!
                  

本應重有條衭仔可惜短左d所以唔覺,亞仔有靴著無理由Cc無既,所以係咁意都整番對啦,成個做型我最喜愛就係佢把秀髮,型呀!~ ~不過整完我條頸都梗左.
                    

企定定,同Boy影張相先
        

影多張,ok收工
        

隻10cm唔知造咩款好!而家週身骨痛兼眼朦~~

第二隻創作布娃娃

要有好成績............

 

當然離不開多多練習,任何事都要經過多嘗試,才可以吸取經驗,雖然做手工只求樂趣,但亦希望可以做得好些.所以又開始做二隻12.5cm娃娃,另一隻10cm,想試下效果如何,未合體前

       

合成後,有否覺得三個size,我覺得男孩身上沒有太多裝飾,所以身形大少少好d.
         

因手上沒有鈕扣適合做眼,亦無顏料畫眼,後來諗到用黑布剪眼,係受做米山娃娃啟發.
想試做一個小男生,用左金髮
                            

男娃真係很難做得靚,因不同女娃可以天馬行空,甚麼珠珠,花邊,五顏六色花布重重疊疊,一路砌到你覺得靚為止

                            

但男孩就少好多選擇,不過我就試下用不織布,做左對靴俾Boy著,咁睇落先無咁單調
                          

唔知你地睇這個小男孩ok嗎?d頭髮都幾惡搞,而家好似有d稀疏,但放多d就唔似男仔而會似番個女仔啦!

 

第一隻創作布娃娃

交學費........

 

學到做布娃娃的基本技巧,令我受用不盡,當然要做得好就一定要多做,才能掌握得好.

但我是一個多心的人,不會甘於重覆(未學行,先學走),而且說到底,做手工是要滿足............自己,不是任何人,所以應絕對有權想點就點.

有點長氣,其實我想鼓勵一d話唔識做,又怕做得肉酸,又花費大既人,驚唔見得人咪搵老師學藝啦,驚花費咪搵布碎diy先,慢慢做,自由發揮下都得既.

做完功課,我而家開始diy啦!
        

睇睇我尼兩隻東東
                         

大個隻成45cm高,細細隻就13cm高,所以梗係由細開始啦.
                          

昨晚玩到3點,通屋搵材料,終於搵到d衫鈕做眼仔,初時驚大但加左婕毛後,好似都ok
再搵d布頭布尾,就做左套衫仔啦
                           

佢個嘴嘴我初做三針,覺得麻麻但到我係中間加多針,我又覺得唔錯,加上胭脂後都幾可愛呀!
                            

因參考左一個開後腦入棉既方法,覺得唔好用,下次唔啦,但個後腦就有個大疤,咁我就係米山d頭髮度,拔左一d出尼做頭髮,係咪有計呢.
                            

睇完有冇興趣整番隻玩下.
                             

下次再show大娃娃.