Blythe 變身

一直好想....

將B女改頭換面
但又怕錯手將佢地毀容
所以極其量都只係攪下D頭髮

例如尼個

 

但係後來都係唔喜歡佢D劉海...
終於忍唔住郁手
變...





索性剪左個短髮型
好似容易襯衫同有現代感D

而尼個本來無大問題
可惜以我既攝影技術,真係災難性作業
原因係佢地塊面反光...
反到我見到自己個影係佢地個面到

曾經穿著好攪哂佈景
影完一大輪...
先發覺我眼中有佢
但佢臉上有....我!
唉!!真係辛苦過做衫






有一日突然忍唔住
執塊沙紙.......
係佢塊面度擦...擦...擦...擦
唔鍾意佢隻唇色,一於擦走埋
好啦~~掃左少少粉彩上面度
而家點影都見唔到反光啦

梳鬆D頭髮

 

兩個完全同往日不同

用針織料做娃衣,真係好難!

Blythe 衫‧裙

手上有一堆A4 size 的藍白格子布,初時不知做什麼好?

後來就決定做左一條別致的泡泡半腰裙,睇來都唔錯!

配一件領口有喱士既白恤衫,平凡中帶點細致.

後多車一條同質地帶子,可以當領巾用,我覺得都幾順眼呀!

一個純純地又帶點反叛味道的女女

Blythe 牛仔褲

Blythe............手工制作洗水牛仔褲


一向好想知娃娃穿的........
洗水牛仔褲係點做既呢?印象中覺得好似好難........後來見到呢本書有教洗水技巧,趁係日本時順便係網上訂埋,當一收到 第一時間打開洗牛仔褲個頁學下師先~~哈哈原來都好簡單,好易學架!

咁我搵番塊以前買落既牛仔布,一口氣做左三條,一共兩款明袋係俾mmk著既size,插袋係blythe size,想試下唔同既洗法....

攪掂啦! 因為初學唔係幾 放膽亂洗,天色有d暗所以影左既相睇唔清個分別,呢條我用左衭腳縮摺同有少少石磨look款

 

呢條就淨係石磨look,本想拉"貓蘇",可惜步驟錯左所以做唔到,不過總算試驗過,下次再改良!

呢個內頁就係教你做洋娃娃著既洗水牛仔褲.........都幾好玩架!

Blythe 書

隆重登場............

 

娃衣制作

 自從偶然到狗友家小聚,見到一隻大眼娃 blythe,被電中!

 

見到這隻娃娃原來勁多粉絲,娃媽盡心盡力打扮,甚至改頭換面,務求美麗出眾,人見人愛.

 她造型百變,令我一見鍾情,亦因此開始我做娃衣的興趣

這兩本都是這兩年來的母親節禮物

各式造型獨特,比得上真人.

 內頁附有紙樣,不過你一定要有起碼縫紉技能才可以成功,不過熟能生巧,試下亦很有趣呀!

 PS....這隻娃娃很有性格!

Blythe 絲襪

當日做 左Blythe既小靴後

覺得對腳光脫脫,於是就再做一批絲襪去配搭

我盡量搵多D花樣同顏色


 

正一係各花入各眼

多幾樣顏 色襯短裙最好睇

撞色都唔錯

 

當初開始係由3隻色做起
到今時今日最熱賣既仍然係白色喱士





當然萬事起頭難
初做時都攪到一頭煙
而家就易過借火啦.....

Blythe 賣和服

自開店以來...


除左B女絲襪
最熱賣既都係Blythe著既和服
由初版到今日賣既...
都仍然同一紙版
只係衣料同手工都比較上加強左

初版

第二期和服

近期和服

哈...哈~~yoyo無用尼做被,又無做袋...不過都有用處"放係個頭度呀!"

決定重新再做新版和服

最近訂入左D新花式既布
希望收拾一下懶骨頭
俾番多D心機做下手作

Blythe 軟靴

鞋子....

當然是多多益善

既然hujoo娃娃有

blythe就當然....會有更多

上次初版做既搭帶只做半圈

最後改良為一圈,感覺上整齊D

暫時有8隻色

遲下可能會再加多點顏色

離不開B女既親身示範

 

猜猜整對鞋子最難做既地方

~~~搭帶上的撞釘....

非常難攪因為只得 3mm

細細粒每次放好後...

一下子又捉不緊...滴.滴..滴的跌落地

好幾次真想掃落垃圾桶

無眼睇,激死人

當然~~最後都完成!

Blythe 娃衣

去年某日.....


買入一些水玉,間條及格紋布
因做娃衣時常會用到
但後來大部分又做左yoyo
結果都做左同一款式但不同顏色配搭既裙仔共4件
分別由4個毛豆展出

紅色組

同色相反配搭

黑色組

另一配搭

雖然款式好大路
但同其他賣家比較"當然要知彼知己"
以價格計及手工計~~絕對有出路
可惜.....
由雄心勃勃...到心灰意冷
眼見其他人既作品簡簡單單,但都熱賣非常
覺得莫名其妙,唯有減價賤賣,亦無心機再做


就咁樣...過左一年有多
上週六~~竟然有人買....去美國
到週日,又有人買!! 去以色列
哈...哈總算有人要啦...開心呀!
雖然錢係唔多,但有人欣賞嗎!

唔通真係一不離二,二不離三?
今日有人掃埋最後兩件
本來賣左二件已經好滿足
不過.....賣哂啦!
更開心

點解咁得意既??


唔通真係:瘦田無人耕,耕開有人爭???


就係咁...我又心雄啦!明日睇下做乜款好呢?