i love sew & show: 09/04/13

Blythe T-恤

Blythe T-shirt

做過既blythe衣物
最難做就係下圖三件一列既t-shirt
真做做到索氣....

最大原因係隻料
郁親都會變豬腸粉...

真係訓練耐性既最佳習作...
最後有個日本客指定要買尼三件!
之後我零願貨物下架

唔賣啦....唔想再考驗自己既耐性

blythe 024

其實尼件都唔錯呀!
但無人買??

blythe 009

大人...細佬都岩著

有次清貨賣套裝
寬間t-shirt配牛仔褲

blythe 001

有人落單兼加買和服...好呀
誰知睇清楚!!
我放錯左相~~想賣既係上圖
點知放既係下面張相...即藍間恤

但我無貨喎!
想通知個買家改單或取消張單

唉!
終於拖左10日到個買家追貨
到頭來.....死死地氣做一件
真辛苦!

尼個故事教訓...要面對既始終要面對

漫遊...日本名古屋

名古屋.........

到東京後一星期就由EK同我到名古屋遊玩

EK本身學習法國廚藝畢業對食物非常狂熱

就算短短旅遊都帶本成10磅重既cook book

再加十多樣零食,俾我試下正唔正喎!真係服左佢

多數人去到梗係到寺廟參觀.......

旅遊點.....我唔講啦,相信好多人重熟過我

偏偏EK既第一節目安排就~~去學野

甘春堂...

係一間老店,唔記得係咪百年,當時人頭多過饅頭,無講錯架

當日早上下雨EK報既係11點上午班

打的去到鋪頭,原來上堂別有地方,經指示位置就在轉彎後街

行到差不多,兩頭望,只見為數約三十多個男男男女女的中學生

由一間店舖行出,吱吱喳喳好熱鬧,每人都有一個手抽

想當然係尼間,誰知一開木門重多人,眼花撩亂!

有人check 左資料後,先交兩條圍裙叫我地穿上,跟住等......

哈哈.......初初一入尼,以為咁多人賣果子添,原來穿上圍裙等上堂

其實好多謝EK既安排,俾我有一個非常開心既和果子體驗班

係清水寺附近的商店街,見到一D和風傳統掛飾,好靚!......勁貴

實物就唔買啦,退而求其次~~買本書都好,試下自己整

可惜當日到布街無諗起買傳統手工和布

係封面見到尼個文化人形好開心呀!

內頁又有詳盡的制作指導同紙樣,尤其是五官圖........

希望自己可以有樣學樣整番個先

本書重有介紹文化人形既歷史兼所有書中出現掛飾既用意,好值得收藏

漫遊...日本日暮里

一直好想到日暮里.............

東京既布街,有點似深水步但規模細D及不單以批發為主
零售店舖比較集中,如果想買手作類物料都好能夠滿足到你既要求
其中和布真係各式各樣都有,尺寸細細片到以碼計
真係買到你夠皮,分分鐘大出血為止

這間"TOMATO"在落車後,從街頭望到招牌以為是餐廳
回Vancouver有同名餐廳

但DK話我知係衣料店,更奇怪一段短短既街道竟有三間

一間主攻貴價料而另二間則由100/Yen 招客
當然我亦花左最多時間在此跑上跑落
因樓高六層每層樓賣既物料不同,非常方便
只要你已知要乜料就成層都同一系列,好方便

這是戰利品之一..........2敉 100/Yen
即兩片,每片有半碼呀!!

其實在平價店中服務的男女都年輕有型
因價錢平所以甚多C9!
好忙,但負責剪布既多是型男
見到佢地有禮又快手,充滿幹勁真係睇下都開心呢!!

穿插在眾多女仕群中
幸好DK都一一包容
真令我感受到他對我的愛護
感覺非常幸福

漫遊...日本東京

在 DK 盛意邀請........

本打算不在短期內再到日本但經 DK 誠意贊助下~~嘻嘻咁又瀟洒走一回啦

但今次真一波三折...先是到機場check in 才發覺電子票上名字跟passport 排列次序不同,一直未有發覺,差D上唔到機

其實今次飛行非常愜意,天朗氣清,服務員又甜美欣勤,感覺好舒服,飛機亦早到而天色仍然好好,但........

哈哈.......上次入境我家大爺係海關亂按手指模,結果按左4次先得

但我今次重攪笑,先填少一張入境紙要打回頭填過,再被指填錯要再填,到企埋按指模........哈哈,第一次放得太高,第二次~左手按時太輕,第三次手指ok但望鏡頭轉得太快...終於我都要按4次,以後唔笑人啦

咁過關後等囉行李啦.....等下又等下,見D人走下走下都差不多清場啦,點解唔見我件行李既~~我推住架車四周圍望但都係唔見,本來地有幾件行李既但我望過無我份喎...

唉!就係連地下既行李都俾人推走我先見到自己件行李好寂寞咁留係度,個時連條行李帶都光脫脫啦......即係我係同機最後出閘啦,唔理咁多,走人~~~以為一推出去DK 會熱烈歡迎!

???唔見人喎.....好啦咁唯有等啦............嗚嗚等到個機場都走哂人啦,冷冷清清,唔通佢去錯機場!!!

搵個地方坐低等啦,但個心有少少急因今次得我自己一個人咋....

當然後話係 DK 飛跑入尼時個樣都好急,原來首先佢唔記得帶ID,(係日本原來唔係可以隨意出入機場,要經過安全驗證)差D俾人拉,其後去左南邊出口等我呀!

所以話今次都幾多突發性事件,但點都好今次亦係一個非常開心既外遊
這照片中是DK家附近的火車站,其中的小屋係公廁呀.