毛線編織...七彩生活

買左本........


靚到了不得既編織書
唔識織但睇見都開心...太靚啦!

好有型

好羨慕

咁心思思又想學下
手頭上只得一舊冷同唯一既一支鉤針
都唔知玩乜好
又唔識鉤公仔

自家既零技術...
哈哈...比我諗到鉤條頸巾

好多時係屋企覺得條頸凍
條頸巾長又好論盡
圍一圈....圍兩圈
好多時跌左跌右,有時洗手又洗埋

所以今次整條短短地既頸巾
我起80針打橫鉤,只用短針重覆幾行
近尾留空幾針做鈕門咁...
快到你唔信~~




嘩哈哈~~成功啦!



以我既條件都輕鬆攪掂左
今日戴住在家,真係好合意.

輕井澤...浪漫的婚禮

輕井澤...浪漫的婚禮


婚 禮...........

 在 2009 年九月頭去了曰本,參加 DK 的婚禮

地方選在離東京約三小時車程的輕井澤

他們包了一間非常歐洲色彩的酒店,附設一間供應法國菜的餐廳更有一個玫瑰園

而婚禮就在花園中舉行,而幸運的是當日藍天白雲,中午更有陽光,但不算猛烈

伴著一陣陣隨著清風送來的花香和經老闆特許剪下的玫瑰花用來佈置的場地
很有童話式的感覺,很浪漫
新娘子曾希望穿起婚紗會像公主一樣...............我覺得她就是公主呢!!!

雖然是在九月,錯過了盛放的玖瑰............
但四週的環境仍然很美

這是酒店中的園境

很歐洲風味

我真渴望能再去享受一下,今次要輕鬆點.........
慢慢欣賞...................總之是太美啦
實地比照片好得多呢  

yoyo之簡易制作

實在非常簡單.......
有卜友想知如果唔用yoyo模版,點樣可以做yoyo,我自己未做之前都曾經想買齊所有size既yoyo模,但研究過之後,覺得尺寸太硬性兼會好慢 .....因受模版限制每次要一針針行線,但無摸反而每次可行三四針一次所以比較快.


好啦!
言歸正傳.....開工做yoyo
尺寸非常彈性,隨自己要求
我今次用左個腰果樽蓋
紙版係牛油曲奇鑵既包裝紙盒
咁剪個版模出尼

 

將個形先畫落布邊,然後盡量摺多幾下 

我今次係三摺再三摺


用珠針固定慢慢沿線剪出
其實點解要將塊布左摺右摺呢?
係因為咁樣當你剪時有大D既空間轉
兼布料無咁容易走位個圓形會靚少少


一次過最少可以有九張如果怕較剪唔夠力
剪４張應該無問題
千祈唔好逐層剪
因為一來攰二來成日咁轉
剪剪下會反為唔齊

剪好布片可以開始縫
好容易 將布邊折返少少紙口
記住針步係一長一短
我特意用黑線容易睇D慢慢縫好滋味架


將近完成時留意係咪可以吻合線步
臨近既三針可以做少少調節
唔使一定要完美架
係尾係重覆穿番入第一二針
最後梗係要穿番出布面先收緊

咁走完線之後慢慢拉緊就得
唔需要配同色線架我特意用黑色
但當你拉緊個收口之後係唔覺既

拉緊個收口將針由正中心穿過在底打結


非常興鬆就做起隻yoyo啦!睇落都幾靚呀!!

係選料方面有少少提議
布面硬做起既摺靚D,但手指就吃力少少
絕不適宜粗間,亦無需用自己最心愛既花布
因為做起會完全見唔到個花樣
最後希望尼個yoyo教學
幫到你地都試下做yoyo既樂趣

1000隻yoyo...完成篇

完成啦........


1000隻yoyo經已全部完成

做過先知原來疊起還高不過隻瑞典少女

亦高不過blythe

隨意望一下,誰人能知這一堆yoyo

數量竟然有1000隻

從第一隻至第350隻我都非常高興致

由356隻至第700隻可以話係得心應手

非常享受差不多覺得以後可以靠做yoyo為生

每日一起床第一件事

就係撫摸下D yoyo

後來發覺放入盒會唔靚

曾經用盒同厚書壓

但到最後無位放...

後來想到尼個辦法就係用25隻為一組





咁樣一層層疊埋一堆

不阻地方兼容易配花色

因為我唔想花色重疊太多





為左影相將yoyo放入個盒度

咁樣就唔驚失手跌到一地都係啦





最好笑係我D狗狗

以為我做左張被俾佢地三番四次想坐埋尼

攪到我鬼殺咁嘈叫佢地彈開

 

講真當我做到975隻yoyo之後

有少少無辦法做落去既感覺

手指好鈍......隻隻D針步唔對

差不多每隻去到尾個幾針都要拆

眼好澀~~檯面既布片好多重覆

數一 數.....唉呀!

做多15隻....就夠啦!!!

就咁樣由隨意嗡~~到完成1000隻yoyo啦

布碎小手工yoyo之四

唔知......
有冇人試過一口氣做700隻yoyo呢?
我就試左啦!

700 隻yoyo究竟有幾多呢?
無想像中既壯觀
一個膠箱都載唔滿

.


發覺yoyo做起但隨意放入箱.........會縐
咁我唯有逐隻反正鋪平
再用D書逐層壓住

壓平左真係靚D架
我試過鋪開300隻睇睇
初時重以為會有睇頭
誰知......面積只有18吋X36吋咋.......陰公

初時重以為好多!
睇尼就算做起1000隻都無咩用
咁到時分分鍾要加碼

布碎小手工yoyo之三

日以繼夜.......
沉迷係yoyo制作中
本來最初係隨意話做1000隻
後來做下...做下,不知不覺間上左引
咁就開始定標~~1000隻
到現時為止,完成左350隻啦!!
Ann & Andy 都俾yoyo淹沒左

經過縫製350隻yoyo之後
有少少心得,就係選料方面
下圖見到同是圓點
但黑色做起太花,白色靚好多
間條就只可幼間,粗少少都唔掂
聖誕氣息既花樣做起都好靚

係一鼓作氣既熱情推動
一次過將650片剪齊,咁跟住密密縫就得啦
1000隻之馬!駛勿驚呀

不過開完一輪高速後
手指都有D投訴.......
轉換一下速度,慢慢享受下先
下次做到700隻先再show啦

布碎小手工yoyo之二

 

興致勃勃.......
好努力做yoyo
發覺雖然好簡單既動作
只係在圓布片上用線走一轉然後拉緊
好奇妙就好似一朵小花立即係自己手中展現

無論用任何花樣顏色都各有美態
下圖既五種花樣係我最喜愛既
發覺原來用細格仔布做yoyo好靚架

將所有yoyo..... 暫時 共140隻堆放係pinky身上都幾可愛

1000隻~~減140隻...還有860隻
剪到手指都硬埋,終於剪左170塊片



加油!加油!