本打算不在短期內再到日本但經 DK 誠意贊助下~~嘻嘻咁又瀟洒走一回啦
但今次真一波三折...先是到機場check in 才發覺電子票上名字跟passport 排列次序不同,一直未有發覺,差D上唔到機
其實今次飛行非常愜意,天朗氣清,服務員又甜美欣勤,感覺好舒服,飛機亦早到而天色仍然好好,但........
哈哈.......上次入境我家大爺係海關亂按手指模,結果按左4次先得
但我今次重攪笑,先填少一張入境紙要打回頭填過,再被指填錯要再填,到企埋按指模........哈哈,第一次放得太高,第二次~左手按時太輕,第三次手指ok但望鏡頭轉得太快...終於我都要按4次,以後唔笑人啦
咁過關後等囉行李啦.....等下又等下,見D人走下走下都差不多清場啦,點解唔見我件行李既~~我推住架車四周圍望但都係唔見,本來地有幾件行李既但我望過無我份喎...
唉!就係連地下既行李都俾人推走我先見到自己件行李好寂寞咁留係度,個時連條行李帶都光脫脫啦......即係我係同機最後出閘啦,唔理咁多,走人~~~以為一推出去DK 會熱烈歡迎!
???唔見人喎.....好啦咁唯有等啦............嗚 嗚等到個機場都 走哂人啦,冷冷清清,唔通佢去錯機場!!!
搵個地方坐低等啦,但個心有少少急因今次得我自己一個人咋....
當然後話係 DK 飛跑入尼時個樣都好急,原來首先佢唔記得帶ID,(係日本原來唔係可以隨意出入機場,要經過安全驗證)差D俾人拉,其後去左南邊出口等我呀!
所以話今次都幾多突發性事件,但點都好今次亦係一個非常開心既外遊
這照片中是DK家附近的火車站,其中的小屋係公廁呀.
落火車後要步行約十五分鍾才到他家,通常每人都會踏單車到站寄存,後再乘火車上班,我行得慢,所以會乘搭圖中的巴士坐兩個站出入
在DK家樓下散步的一條堤壩上有這塊地磚
堤壩的境色很美
堤壩對岸就是迪士尼樂園啦
每晚八時半後就可在家中露台看煙花......
沒有留言:
張貼留言