momoko 牛仔裝

經過一段........
心情低落期,現又要面對現實總不能天天壞心情就甚麼都不做.
上次娃娃成員有幾個已經跟了新主人,手上仍有多隻blythe及momoko
不過留下做毛豆算啦.
 從沒正式為momoko做過衫,今次就向難度挑戰,做套牛仔套裝
                       

講真~~她真是一副毛豆身材,衣服穿在她身上真有型
                        

不過都車得好辛苦,因為好細件,外套是用花布做夾裡
衣袖反到手指痛........又怕太大力會扯爆
                         

隻牛仔布好厚身,所以D袋車到我哎也也,最難間雙線幸好效果都似模似樣,我自己都收貨.

廢布創作..八達通套

不知道............

 

各位懂車衣既卜友,有無遇到很多時改完衫衭或做完手工後,總有些衭腳呀衫袖呀......或一堆細細塊既布碎.........我就有好多呀!

 

今曰本想清理什物,但見到堆改完衭後既衭腳.

就諗不如做個八達通咭套..........

首先將隻衭腳疊齊,將咭放面,記得要加多少少位,剪下.

因衭腳本身已車好,所以會係袋口,然後發揮各人創意,可加可減各樣配件,圖中是我的配搭,其實因是廢物利用隨手任何角落都總有物料可用.

除可用鈕扣外,亦可車魔術貼,如扣鈕就先車扣耳.

想美化一下,加上花邊..........甚至可加大量你喜歡的東東.

將布片疊好縫合,再壓上面線令緊固D.

兩塊布片縫合後成一長片,先將外袋口摺疊起來,後將內袋口放上再縫合,先車一邊

我因想將咭套扣在外出時,不同的袋,所以我加一條帶,如果你也喜歡那在車另一邊就要將帶放入才車.

因不想做太大所以反袋後,耍將咭放入,再反外袋口,這樣才容易架,試下.

釘上鈕子..............完成.

好容易呢!
立即搵塊布碎玩下啦,有興趣就交流下.

廢布創作...較剪套

 

 

自見到網友做既米山京子娃娃,搏愛的我,又墜入愛河啦!!

報左名等緊位,終於收到call,好快可以上堂啦.

上堂要帶少量工具,針,線,較剪等等,但因把較剪都幾大把,又尖,諗下都要做件衫佢著先得啦.

咁我又搵番d 衭腳出尼玩下先,衭腳質地係棉斜所以都幾結實.

度過岩岩好,開始.....
放把剪上去,大約咁剪個型出尼.
唔駛太精準架.

剪完底,剪面,因要放入較剪有厚度,所以套面要比個底大少少.

可隨自己愛好,加上花邊裝飾比較靚d.

因想要厚身d,所以夾多塊布碎

想個底硬身d,但又無硬裡,所以就間線

之後將套面放在套底,車一圈固定,我一尼無綑條,二尼懶,咁我就找條花邊做包邊,唔錯喎!

以前我用不織布車既舊剪套,新套我預左鬆少少,所以可以新舊並容,多d安全感

做好啦!! 遲d就可以去街街啦!

學米山京子娃娃...瑞典少女

自完成初級米山Pinky.....


相隔一年才再繼續中級課程之瑞典少女

中級主要學到令娃娃站立

同時學識將頭髮盤上頭部

尤其經老師細心指導後信心大增....."初時真係一舊雲"



兩個靚女一齊影張相先

其實瑞典少女完成時岩岩夠鐘放學

匆忙中老師忘記幫娃娃上胭脂呢

不過從相片中就唔覺好大分別



我在家都做左一個頭及部分手腳,理想係做一個中級size
可以站立及有手指穿和服的娃娃.....

不打算學高班,因不喜歡大娃,如有時間會想學迷你芭蕾舞少女

希望自己努力D~~不要爛尾

米山京子娃娃...書

到手啦.......


自從上完第一個初級米山京子娃娃,就停止左無做娃娃
早排托DK幫我係日本bid左幾本書,現在交到手啦!

曾經見過一d款式,完成後係一個針包
不過我會唔忍心用針拮落個咁可愛既娃娃身上

所以揀書時,我定明要有手腳既娃娃款,不要針包(盡量啦),我特意叫老師介紹架

我想用書溫習下d技巧,先再上堂,咁唔駛咁手忙腳亂,
d書都幾貴,尤其日元高漲,真係要俾心機做番d靚娃娃
先唔會覺得自己咁敗家.

學米山京子娃娃

Doll.......

 

是我非常著迷的玩意,由戀上Blythe,後又遇上米山京子娃娃

馬上報名,跟老師學做娃娃.

現介紹我第一次做的米山娃娃.

                   

由老師指導,慢慢慢地,一點點組成
                            

很有趣,同以前所玩過的娃娃,在造衣服方面完全不同
                             

尤其是為娃娃穿衣,是一個大學問
                              

整理好衣服後,就到頭髮五官啦
         

到最後要靠老師才勉強完成五官,我知不大完美,不過我會保留用作下一個米山的比較,絲帶本應縛頭髮,但我喜歡用作腰帶.
                             

                                 


 

遲些我會為她造一頂帽子和一對鞋,不用造大腳八

Blythe 和服再體驗

停不了.........

 由開始研究做第一件blythe 和服後,經過修正,當然要再做多一件來引證紙樣是否正確.

由日本寄來的花布就用作第二件和服.
 

初時找不到合意布料做腰帶,為襯顏色暫用不織布,但今日再做一條新的腰帶,感覺上比較華麗些.
  

可能自己受季節影響,所選擇既布料亦比較春夏feel
   

我其實已做了不只三件和服,因每再做一次,我就再改良少少,現在可以話無難度
   

難既就在布料配搭,尤其是條腰帶,難怪真人著既和服,條腰帶可以比得上件衫既價錢.
  

塊布靚,但做出來之後,可能又唔算特出,亦都係要靠腰帶襯托.

這件就好似有少少秋意.

一次過show 哂出尼,有冇滯既感覺呀!
俾你揀,你最like邊件呢?.............我有d好奇.
或者我應該再搜尋一下和服款飾再做多幾套研究研究.